Nephi.Ink

Madalas siyang makita sa mga hindi kilalang bilihan ng mga aklat: naghahalungkat, nagbabasa at nagmamasid. Madalas ay inaamoy niya ang mga pahina ng mga aklat pagkatapos ay hinahagod niya ang mga ito hanggang sa mapunta siya sa huling bahagi. Ngunit ilang beses siyang napapabuntong hininga dahil hindi niya ito maiuuwi, alam niya ni singkong duling ay wala siyang makakapa sa kaniyang bulsa.

​

Minsan sa tuwing siya'y bumibyahe patungo sa Unibersidad ay dumudungaw siya sa bintana at pinaglalaruan ang mga salita kasabay ng kaniyang pagmamasid sa kalsada, sa kalangitan at sa mga ekspresyon ng mga taong mahahagilap niya.